Vieiros

Segundo informa o Diario de Ferrol, o fiscal xefe de Área de Ferrol, Román Ruíz Alarcón, acordou o arquivo das 31 denuncias autoinculpatorias no procedemento contra o grupo de mariscadores que en maio de 2007 saíron coas súas embarcacións para evitar a chegada do gaseiro Galicia Spirit (ver vídeo) a Reganosa.

Os escritos foron presentados o pasado 1 de xuño no rexistro xudicial por integrantes do Comité Cidadán de Emerxencia para a Ría de Ferrol. O fiscal explica que o procedemento iniciou xa a súa fase intermedia como procedemento abreviado e que os novos documentos nada achegan ao xa resolto.

E o resolto é que se formulou acusación contra nove persoas e desestimou todas as demais, por estimar que non había probas de abondo sobre a súa participación nos feitos.