Vieiros

"Aínda non fechou Guantánamo, mantén tropas en Iraq e Afganistán e vai abrir bases militares en Colombia", afirmou o portavoz nacional do BNG, Guillerme Vázquez, ao respecto do presidente estadounidense, Barack Obama, para quen este venres se anunciou a concesión do Nobel da Paz.

"Non parece a mellor folla de servizos para ser acreedor ao Premio Nobel da Paz", engadiu, de paso que aproveitaba a presenza dos xornalistas para demandar do goberno español "a inmediata saída das tropas españolas de Afganistán". "Que non nos enganen, aquilo é unha guerra de ocupación", analizou, "non se está alí para democratizar nada". "Os Estados Unidos están alí para controlar un enclave xeoestratéxico básico para controlar o mundo e o Estado español está alí seguindo exclusivamente a estratexia dos Estados Unidos", reprochou.