Vieiros

Segundo informa esta quinta feira a canle pública británica, BBC, investigadores da Universidade de Reading (Inglaterra) identificaron algunhas das verbas máis antigas da lingua inglesa.
 
Os científicos aseguran que I (eu), who (quen), two (dous) ou three (tres) datan de hai ducias de miles de anos, mentres que 'one' (un) é tan só un pouco máis nova.

Baseándose no seu modelo de supercomputación de datos analizaron a cantidade de cambios que sufriron as palabras no inglés e noutras linguas cun pasado común.

Mesmo, aseguran ser quen de predicir que vocábulos teñen probabilidades de se extinguir ou mudar. Squeeze (apertar), guts (entrañas, relacionado con 'ter valor'), stick (pau) e bad (malo) son as que, afirman, van desaparecer ou evolucionar primeiro.

A voz dirty (sucio) é outra das que son máis proclives ao cambio. Actualmente hai 46 formas diferentes de se referir a este concepto nas linguas indoeuropeas.