 Esta noite, bacallau
Moitos serán os galegos que neste Nadal, unha vez máis, poñan na súa mesa unha boa fonte de bacallau con coliflor. Esta receita, que xa hai ben tempo se espallou de cara a evitar o consumo de carne nas datas de vixilia, rematou por converterse en tradición.
Agora, no 2003, achegámosche novas propostas. Se desexas innovar ou darlle un toque chic á túa enchenta, aquí van catro novos xeitos de preparar o bacallau.
Están elaborados por catro dos restauradores do Grupo Nove, que agrupa o mellor da nova cociña galega. O colectivo intégrano Xavier Rodríguez Ponte, do Playa Club coruñés; Xoán Manuel Crujeiras e Miguel Silvarredonda, d'A Estación de Cambre; Pepe Solla, de Casa Solla, en Poio; Manuel Chaves, do Reina Maud de Sada; Miguel Anxo Campos, d'A Gabeira, en Ferrol; Xavier González, d'A Rexidora, en Bentraces, e do Pazo Mendoza, en Baiona; Xosé Cannas, de Pepe Vieira, en Sanxenxo; Marcelo Tejedor, de Casa Marcelo, en Santiago e Marcelino Panyvino, en Vigo; e Eduardo Pardo, da Domus, na Coruña. |
