Agasallos Comercio Xusto Xa que será difícil substraerse ao costume de agasallar a parentes e amigos nestas datas, poden contrarrestar a voráxine consumista adquirindo productos de comercio xusto, é dicir, artigos que foron elaborados por comunidades desfavorecidas do Sur, permitindo a creación de estructuras de producción participativas, democráticas e respectuosas co medio ambiente e coa súa cultura. O comercio xusto garante a igualdade de salarios entre homes e mulleres, a non explotación infantil, o respecto ao ambiente, unhas condicións de traballo dignas e a calidade do producto. A oferta é ampla, e chega ás tendas de Europa sen intermediarios: bixutería, complementos de roupa, papelería, xoguetes, marmeladas e cafés. Onde mercar: - En Santiago, Panxea - En Lugo, A Cova da Terra - En Pontevedra, A Factoría do Sur - Amarante - Na Coruña, Intermón - En Ourense, Centro Iris-Amigos da Terra - Na Guarda, en Atalaia, no Centro San Xerome Reloxio cos números en galego Distribuído pola Mesa pola Normalización Lingüística. Con correa de ante negra e caixa metálica. Ten unha garantía de 2 anos. Prezo: 39 euros Onde mercalo: na Mesa Adhesivos de felicitación das festas A Mesa pola Normalización Lingüística agasalla por estas datas os seus socios con adhesivos coa inscrición "Cos meus mellores desexos". Se queren poden imprimir esta páxina e utilizar as etiquetas nos seus regalos. Libro "Ninguén está só" Editado polo grupo de Lugo de Amnistía Internacional no 2001 con moito éxito de vendas. Dez historias e dez debuxos sobre os dereitos humanos, dirixidos a mozos a partir dos 14 anos. Quedan uns 50 exemplares. Prezo: 9 euros Onde mercalo: en Amnistía Internacional Lugo. Poden solicitalo por teléfono: 982 230 310 Forro polar de Nunca Máis Unha prenda cómoda, de abrigo e co logo da plataforma. Os beneficios son para Nunca Máis. Prezo: 35 euros Onde mercala: Tenda Nunca Máis. Rúa Franco, Santiago de Compostela. Tamén atoparás moitos destoutros productos. Camiseta Terr@ctiva Prenda co lema "A terra para quen a respecte", vendida a través de Culturactiva, o portal vencellado a Coperactiva Cultural e ao Festiclown, que financian proxectos nas comunidades indíxenas zapatistas. Prezo: 7 euros Onde mercala: a través de Internet. Arte guatemalteca Mostra pictórica do artista guatemalteco Miguel Ángel Pérez, organizada por Solidariedade Internacional de Galicia. A venda dos cadros, entre o 30 de decembro e o 10 de xaneiro, servirá para financiar proxectos agrícolas en San Marcos. Onde mercalo: na Galería Sargadelos de Pontevedra Prezos: oscilan entre os 50 e os 300 euros « Portada